isa itong reaction papaer na pinasa ko para sa natural science 1: Physics part. Pinanood kasi namin yung Hyperspace, tungkol sa kung anu-ano. Pero ang masasabi ko lang, astig yung visual effects!

Hyperspace

Ang galing, nanggaling pala tayong lahat sa mga bituin mula sa kalawakan, ang garang isipin di ba? Lalo tuloy dumami ang mga tanong ko tungkol sa mundong ating kinagagalawan. Kung saan ba talaga tayo nanggaling? Paano nangyari ang lahat ng ito? Weird, medyo magulo. Saan nanggaling yung primordial atom na sumabog noong Big Bang? Hindi ko pa rin lubusang naiintindihan. Nadagdagan rin ang nalalaman kong paraan kung paano magugunaw ang mundo. Yung ay ang pagbulusok nito sa isang padaang black hole. Pero buti naman at mauuna muna akong mamatay bago mangyari yun. Hindi ko mararanasan na magkahiwahiwalay ang mga molecules ko sa aking katawan, ngunit bago pa noon ay matutunaw muna sa sobrang init ng sikat ng papalapit na araw.

Pero bonus na lang siguro kung malaman natin ang mga ito. Parang ?Did you know that?? na part sa isang trivial na aklat. Na nakasingit lang sa gilid ng mga pahina. Nakakatuwang basahin kasi nga hindi mo alam dati, pero ito ay pang-dagdag lang sa totoong nilalaman na teksto ng libro. Hindi ito ang pangunahing dahilan kung bakit gusto ng may-akda na basahin mo ito. Parang yung libro ang buhay, ang Diyos ang may-akda at tayo ang nagbabasa. Hindi siguro tayo dapat gumugol ng sobra-sobrang oras para sa mga nakasulat sa gilid kundi doon sa mismong nasa gitna ng pahina, kung ano ang talagang mahalaga. Para sa akin, siguro out muna ko sa pagtingin-tingin sa kalawakan para maghanap ng mga dambuhalang kumakain ng mga bituin. Siguro ok pa para dun talaga sa ganito ang trabaho kasi mabuti nga naman na isipin nila kung ano ang gagawin natin sakaling may maganap nga na mga di inaasahang pangyayari. Pero kung ilang libo kundi man milyong taon bago pa mangyari ito eh bakit naman nila gugugulin ang lahat ng oras nila para mamoblema, eh marami na nga ang pinoproblema ng mundo sa ngayon. Kung ibigay na lang nila sa kawanggawa ang perang ginugugol nila sa mga antena ng radyo at malalaking teleskopyo. Edi napigilan pa nila ang pagkamatay ng maraming tao sa iba?t-ibang parte ng mundo ngayon. Harapin ang mga problema sa kasalukuyan para magkaroon pa ng bukas. Baka mamya eh plano nang plano para sa pagkagunaw ng mundo sa malayong hinaharap, pero hindi naman iniisip na baka hindi na tayo umabot doon dahil sa hindi pagharap sa mga problema natin ngayon. Tamang paglaan lang ng oras at yaman ang kinakailangan.