parating na ang dapit-hapon
pakagat na ang dilim
palubog na ang araw ng umaga
pagmulat na ng mga bituin
patago na ang liwanag
sa likod ng gabi
wala na ang araw sa trono
buwan na ngayon ang maghahari
samahan mo ako ngayon
sa pagdadalamhati
hawakan mo aking kamay
at sabay nating suungin
ang kahabaan ng hatinggabi
makulimlim ang sinag ng buwan
sa kanlungan ng mga ulap
hinahagkan ng mahigpit
hanggang matapos ang pinapangarap.
