ikaw ba yan o ang alaala mong
nananatili pa rin sa aking isipan?
naririnig ko ba ang boses mong
nililikha ng aking guni-guni?
ang mapaglarong imahinasyon
ko lang ba ang nakikita
ko sa aking harapan ngayon,
o baka naman isa lamang itong
mapanlilang na panaginip?
hawakan mo nga aking mga kamay
nang baka madama ko ang siyang tunay
at hindi na sana pa mabulag
nitong aking kawalang malay.
