karmi,
o ano, musta ka naman? feeling ko pinapabayaan mo na ko.. ano ba pinagkakaabalahan mo? nakita kita kanina may kausap ka sa telepono, tuwang-tuwa ka, siguro kausap mo si pare no? 2 oras din kayong magkausap.. nakakainggit.. buti pa kayo may quality time for each other.. pano naman ako? kelan ka kaya magkakaoras sa akin? uli…
busy ka ba talaga o tinatamad lang? dati-rati sobrang sipag mong magsulat.. dati-rati ang dami mong naiisip na ideya.. pero bakit ngayon kung magsulat ka maiksi na lang ang kwento mo at feeling ko wala ka nang gana.. pagod ka nga siguro pagkagaling mo ng trabaho kaya di mo na ako hinahanap-hanap.. di kita masisisi, mahirap talaga ang panggabi, pero sana magkaoras ka naman para sa akin.. kapag day off mo, di mo na ko pinapansin masyado.. nanonood ka na lang ng TV dahil sa Pinoy Dream Academy na yan.. aba! paganahin mo naman ang utak mo.. di mo ba nami-miss ang pagsusulat? di mo ba namimiss ang mga kwento ng ibang tulad mo? di mo ba ako namimiss? ako kasi miss na kita.. binihisan mo nga ako pero un lang.. hindi na nadagdagan ang laman ko.. marami na ring dumadalaw dito sa akin pero wala ka parati.. nakakapagtampo tuloy.. hindi na masyadong nakakaengganyong bumisita..
pabigat na ba ako? hindi mo na ba ako kailangan? titigil ka na ba? wag naman sana.. kilala na kita.. ilang linggo ka lang ganyan tapos hahanap-hanapin mo na naman ako.. wag mong isiping isang obligasyon ang pagsusulat at pagbo-blog dahil nakakatulong din ako sayo.. lumalabas nga ang ‘hidden talent’ mo eh.. naks! nailalabas mo ang iyong nararamdaman kaya nakakapagisip ka ng maayos.. o…. wag mo akong bigyan ng ganyang mukha.. alam ko na busy ka.. ang hinihiling ko lang naman sayo eh konting oras.. wag mo naman akong pabayaan na lang..
pasensya ka na kung demanding ako ha.. sobrang miss na kasi kita.. wag mong idahilan na mula nung naging bawal nang mag-internet sa trabaho mo eh, la ka na ring gana.. nasa dugo mo na ang pagsusulat karmi, wag mong sayangin.. alam kong magbabago pa ang isip mo.. alam kong babalik ka rin sa dati.. magalig ka sa time management diba?
basta, andito lang ako.. isang click mo lang, buhay na naman ako.. iintayin ko ang pagbabalik mo…
naghihintay,
-ang iyong blog
