simulan mo ang kanyang ngalan
na matagal ko nang ninais malaman
ilapat ang bolpen sa papel
na kanina ko pa tinititigan

hayaan mong kumalat ang kanyang tinta
upang hubugin ang isang linyang pababa
na may kurba sa dulo pakaliwa
at isang bilog na tuldok sa itaas
bilang panghuli nitong marka.

umpisahan mo ngayon ang pinag-ugatan
ng aking walang hanggang mga tula
sumulat habang masayang inaalala
ang isang hindi malilimutang mukha

sa isang titik, sa isang letra
literal man o hindi sa pagkakaunawa
dahil kung sa ingles lang na salita
ligaya’y sa iyo rin nagsisimula