marahil ay sa konting panahon lang nagkulang
sa iilang sandaling hindi napaglaanan
kung oras lang sana’y hindi napagkaitan
isang masaya sanang kwento ang siyang nasimulan
natapos kaagad nang wala pang napupuntahan
kahit nakalatag na itong patutunguhan
kung nagtagal lang sana ang bawat saglit, kinalaunan
lumalim pa sana itong nararamdaman
hiling ngayo’y tadhana’y pagbigyan
muling magkrus itong nilalakaran
isa pa sanang pagkakataon na samahan
baka mas mahabang oras lang ang kinailangan
