medyo matagal-tagal na naman pala bago ako nakapag-update.. madami lang kasing ginagawa at wala sa hulog minsan kaya wala ring maisulat dito..
ok, ano bang post ko ngayon? tag-ay ulit galing sa aking pinakamamahal na ate melai.. BAKIT DAW AKO NAGBO-BLOG? hmmm.. bakit nga ba?
1. DAHIL SA GUSTO KO. natural diba? di naman ako gagawa ng blog kung ayaw ko.. matagal na rin akong blogger at nakailang lipat ng blog pero di pa rin ako nagsasawa.. minsan nga lang kulang sa oras magblog at walang mai-blog pero di pa rin mawawala sa puso’t isip ko ang blogging.. nasa dugo ko na nga ata.. :)
2. DAHIL SA MGA BAGONG KAIBIGANG NAKIKILALA. malayo ako sa Pinas kaya naman nakakatuwang simula noong nagblog ako, madami na akong nakilala.. nakakawala ng pagka-homesick dahil parang pamilya at kaibigan talaga ang turingan dito sa blogging community.. kahit na di nagkikita-kita, ramdam mong handa silang tumulong kahit na anong mangyari.. :)
3. DAHIL SA NAIPAPAKITA KO KUNG SINO TALAGA AKO. kapag masaya, i-blog lang.. kapag malungkot, why not magdrama sa blog, kapag naman galit, ilabas lang ang galit sa pagbo-blog. di ko kailangang mangpanggap na ibang tao dahil malalaman naman sa mga entries ko sa blog.. kung matagal man akong mag-update, ito’y dahil sa tinatamad ako o kaya nama’y tinatamad.. hehehe…
4. DAHIL NAGKAKABOSES AKO. di talaga ako outspoken na tao in real life kaya dito ko sa blog nailalabas lahat ng gusto kong sabihin.. parang ang dami kong alam kapag gumagawa ako ng entry.. di na matigil sa pagtipa sa keyboard dahil sa mabilis na paglabas ng ideya.. dito sa blog ko, feeling ko, mahalaga ang bawat salitang aking binibitawan..
5. DAHIL MADAMI AKONG NATUTUTUNAN. sobrang dami! dahil sa palitan ng kuro-kuro dito sa WWW, madami talaga akong nalalaman.. sa araw-araw na pagbo-bloghop ko, sari-saring impormasyon ang aking nasasagap.. para na rin akong nanood ng TV, nakinig sa radyo at nagbasa ng dyaryo.. :)
madami pang dahilan kung bakit ako nagbo-blog.. iba’t-iba ng dahilan ang bawat blogger pero iisa lang naman ang gusto nila, ito ay ang mai-share sa ibang tao ang buhay at kaalaman nila.. :)
