kundiman[dot]net

pano ko ba to sisimulan?

nagfe-feeling estudyante ako dahil ngayon na lang ako ulit nakapag-update dito sa blog.. di ko naman pedeng idahilan na simula na kasi ang klase kaya di ako makapagblog dahil unang-una graduate na ako at pangalawa, summer dito sa america… ayoko namang idahilan na naman ang katamaran ko dahil sakit na ko ata talaga ito, wala na akong magagawa dito…

sa dami rin ng aking iniisip (teka ano nga ba iniisip ko? lalaki.. lalaki.. lalaki..), wala rin akong matinong mailagay dito.. dahil ata sa summer eh nakikisabay sa break ang utak ko.. di masyadong gumagana, pwera na lang kung maglalaro ako ng Dance Dance Revo na kailangan ang coordination ng aking mga kamay at mata.. nakakapagod talagang gumawa ng wala.. kung tutuusin, ma-swerte tlaga ako dahil wala akong masyadong inaalala o pinoproblema.. ako na lang talaga ang gumagawa ng sarili kong poproblemahin…

kagabi, napanood ko ung I-witness.. topic nila eh tungkol sa lumalaking populasyon ng Pilipinas.. may mag-asawang dose ang anak.. meron namang teenager pa lang ay may anak na.. walang trabaho ang mga magulang, wala tuloy makain ang mga bata.. grabe, nakakaawa ung mga bata.. :( alam kong labag sa pananaw ng Simbahang Katoliko ang Family Planning, dahil naniniwala sila na biyaya ang mga anak pero di ba kapakanan pa rin ng bata ang mahalaga? ok sige, pede namang magkaroon ng 12 anak basta ba kaya ng mga magulang na buhayin lahat ng anak nila ng maayos diba? kaso ang nangyayari, pati ang mga bata nahihirapan.. so ano ba naman ung sumunod sa Family Planning? kaya ako kapag nagka-pamilya na ako (un eh kung mangyayari pa), siguro 3 anak pwede na.. one big happy family na kami nun! ^_^

11:50pm na pala, katatapos lang ng NBA.. Champions na SPURS! yahoong-yahoo!!!!

may nagmessage sa akin sa multiply ko..

i-click mo para mabasa mo ung message…

wow.. love at first sight? di nga? ganda ko naman!! ah ewan…

balak ko rin palang magpasa ng kwento sa ADARNA Publishing.. kailangan ko lang daw magpasa ng manuscript sa address na nasa website nila.. saka daw self-addressed, self-stamped envelope para kung ibabalik daw ung kwento ko.. pwede.. kwento na lang ang kulang! hehehe.. may naiisip na nga ako, kaso di ko alam kung papatok ba sa panlasa ng mambabasa.. di ko rin alam kung matatapos ko ba un.. siguro naman matatapos ko ung kwento.. pero baka di ko na lang ipadala mula dito.. June 2008 uuwi naman ako ng Pinas, baka i-hand carry ko na lang at ako na mismo ang dala sa opisina nila!

inaantok na ko.. gusto ko lang magpost ng random na mahaba para next week na ulit ako mag-update.. 

tanong lang.. magreply ba ko dun sa nagmessage sa akin?! hmmm.. tingin mo?