mahirap palang magmahal ng isang superhero.. akala mo kilala mo sya pero di pa rin pala.. akala mo kaya mong basahin ang kung ano mang tumatakbo sa isip nya pero mali ka pa rin pala.. malihim, madalas madaming iniisip.. magugulo lang ang buhay mo kapag nagmahal ka ng isang superhero.. alam ko ito una pa lang, pero hinayaan ko ang sarili kong mahalin si Spiderman..
oo, na-inlove ako kay Spiderman at inaamin ko, hanggang ngayon mahal ko pa rin sya…
madaling nahulog ang loob ko sa kanya, di naman din kasi sya mahirap mahalin.. nagkasundo kami sa maraming bagay at naging sobrang kumportable na kami sa isa’t-isa.. kahit na superhero sya, wala lang iyon sa akin dahil hindi naman un ang dahilan kaya mahal ko sya.. mahal ko sya dahil sa ugali nya, dahil sa pagiging totoo nya kapag kasama ko sya…
dahil mahal ko ang isang superhero, kailangan ng pasensya.. pasensya dahil lagi syang wala, hati ang oras sa akin at sa mga taong nais nyang iligtas.. ok lang naman sa akin un eh.. ang importante, alam ko kung nasaan sya at kung ano ang lagay nya.. ako kasi ang mas nasasaktan kapag nasasaktan sya.. apektado ako sa kung ano man ang nangyayari sa kanya.. kung sya ang tagapagligtas ng ibang tao, ako naman ang sasalo sa kanya kapag nahulog sya…
pero tulad din ng mga ordinaryong magka-relasyon, nagkaroon din kami ng mga problema.. madalas nyang kimkimin ang mga problema nya.. ayaw nyang pati ako ay masaktan kapag nasasaktan sya.. alam kong pinoprotektahan lang nya ako kaya nya iyon ginagawa pero di lang nya alam na nasasaktan din ako sa paglilihim nya sa akin.. madalas kaming magaway dahil sa gusto kong syang intindihin pero ayaw naman nyang buksan ang puso nya sa akin.. gusto ko syang damayan pero mas pinili pa nyang sarilihin ang problema.. mas pinili pa nyang mapagisa…
gusto ko pang manatili sa tabi nya pero sya na rin itong lumalayo.. sya na rin ang gumagawa ng paraan para magalit ako sa kanya.. pilit ko syang iniintindi pero malabo pa rin… unti-unti nang lumalayo ang loob namin sa isa’t-isa.. hanggang sa sumuko na rin ako… ayoko na..
ngayon, wala na kami ni Spiderman.. madaming pangako ang di nagawa.. mga pangarap na di natupad… ako ang nangiwan pero parang ako rin ang mas nawalan..
mahirap magmahal ng superhero… mahirap talaga…
Araw-araw kang iniisip
Mula pag gising hanggang sa pag-idlip
Di ba sinabi mong ako’y hihintayin,
mali pala ang mga superhero’y sinungaling din.- “Pink 5ive” Silent Sanctuary
*image from the video of ’Pink 5ive’ of Silent Sanctuary.. check out the video here..*
