kundiman[dot]net

ang tilamsik ng tubig na mula sa paglapat
ng mga mabibigat na yapak
sa basang kalsadang inaagusan
ng papalakas na ulan
ay agad-agad ring humahalo't
sumasabay sa landas
ng sanga-sangang daan ng paghihiwalay

sa pagsambit mo ng mga katagang "Paalam."
at sa unti-unti mong pagtalikod sa aking harapan
ay pilit kong ngiti mo'y hanggang
sa huling sandali'y muli pang pagmasdan

ang tuloy-tuloy mong paglisan
at sunud-sunod na papalayong hakbang
ay parang isang napakagandang larawan
na aking walang magawang pinagmamasdan
habang ito'y unti-unting nabubura't
tuluyan nang naglalaho
at nakikita ko na lang ang aking sariling
nakatitig sa iyong kawalan

ngunit kahit ilang beses ko pang
paulit-ulit na ipinta
ang isang magandang larawan
na imahe mo ang nagbibigay halaga
at kahit paulit-ulit din itong mabura,

hahawakan ko pa ring mariin itong brotsa,
iipunin ko ang natitirang pintura
at muling magsisimulang puminta

Dalawang taon na ang lumipas nang isinulat ko itong tula. At dati nung hinagilap ko lahat ng mga isinulat ko'y nalaman ko na wala pala akong kopya nito, dahil ang tanging kopya kung saan ko ito isinulat ay ibinigay ko sa kanya (pinost ko rin ito sa komski.blogista.com pero nawala naman yun at wala akong backup). Pagkalipas ng dalawang taon ay muli ko itong nabasa, dahil isinulat niya ako ng isang kopya.

Minamahal ko siya. >

Happy Thanksgiving!

what is Thanksgiving? read more here.. 

Thanksgiving, or Thanksgiving Day, is a traditional North American holiday to give thanks at the conclusion of the harvest season. Thanksgiving is celebrated on the fourth Thursday of November in the United States and on the second Monday of October in Canada.

– http://en.wikipedia.org

sa 2 taon ko dito sa America, napansin ko na mas sine-celebrate nila ang Thanksgiving kesa sa Pasko.. nung minsang hinatid ako ng bossing ko dito sa bahay, napansin nya na may Christmas lights na kami sa labas ng bahay namin..

bossing: its not even Thanksgiving yet and you have your Christmas stuff already?
ako: we don’t celebrate Thanksgiving in the Philippines so we put up our Christmas decorations as early as September.

ginalang naman ng bossing ko ang sagot ko.. totoo naman eh..

ngayong nandito na kami sa America, nagse-celebrate na rin kami ng Thanksgiving.. kadalasan, pumupunta kami sa bahay ng tita ko dahil tumataon na birthday rin niya ng araw na un o ng linggong un.. malamang this year ganon ulit.. makakakain na ulit ako ng turkey.. masarap ba ung turkey? ayos lang, kakaiba ung lasa.. masarap naman pero mas ok pa rin ung Chickenjoy ng Jollibee.. hehehe..

Thanksgiving na naman.. its a day of giving thanks.. di man naging maganda ung mga nangyari nitong mga nakaraang araw, marami pa rin naman akong gustong ipagpasalamat…

• salamat dahil im still alive and kicking.

• salamat sa mga kaibigan ko both online and offline.

• salamat sa pamilya ko.

• salamat sa mga makukulit kong kapatid na kahit minsan eh nakakainis eh alam ko namang labs nila ako.

• salamat sa musika.

• salamat sa blogging.

• salamat sa mga problemang di ko man malutas in my time, i know in His time magiging ok lahat.

• salamat dahil may trabaho pa rin ako kahit na laging walang pera.. hehehe..

• salamat sa mga ‘laruan’ ko – laptop, PSP at celphone..

• salamat sa pagiging hartbroken ko, naging bukas ang isip ko sa realidad.

• salamat (in advance) sa kung sino man ang makikilala ko in the future.. :)

• salamat sa lahat ng blessings na nakuha ko ngayong taon.

• at syempre, salamat sayo sa patuloy na pagbabasa ng blog ko…

Happy Thanksgiving!

ikaw, ano ung mga bagay na thankful ka? :)

Sabi ko'y aagahan ko na sa susunod para hindi na ako malate pero hindi ko naman pinlanong dumating ng isa't kalahating oras na mas maaga kaysa sa oras ng klase ko.

Tatlo kaming magkakapatid at tatlong beses sa isang linggo ay pare-pareho kaming kailangan umalis ng bahay sa 6.30-7.00 am period. Ang problema'y iisa lang ang banyo. Hmmm, hindi pala yung ang problema, kundi, matagal ang paliligo, haay. Kalahating oras ata ang itinatagal ng ate ko sa loob ng banyo, kung nagmamadali siya. Near 15 ata kami nung ditse ko, kaya paano naman yun gayong lahat kami'y tamad gumising at sabay-sabay pang babangon ng six quarter?

Kahit gaano mo kwentahin,  meron at meron ding magigipit. Last week ay ako yun.

Kaya nung lunes ay gumising/ginising na lang ako ng sobrang aga at umalis, 6:00 am. Ang aga haha. Kasi naman, hindi naman pwedeng sabihan ko ang mga kapatid ko na agahan nila para wala nang gumagamit ng banyo kapag kailangan ko kaya't minabuti ko na lang na magparaya, haay. Ayun, isa't kalahating oras tuloy akong nakaupong naghintay hanggang sa magsidatingan ang mga kaklase ko at magsimula ang klase. Oo na, mas mabuting maaga kaysa late. 

may narecib akong txt galing sa bestfriend ko..

when love ends,
how long should you hold on?

how soon should you let go?

how do you move on?

 

from Star Cinema comes a story about how true love waits for, hopes for and needs

 

ONE MORE CHANCE

 

for everyone who has ever loved, and lost.

 

NOW SHOWING. Ü

habang binabasa ko ung text, naririnig ko ung boses nung announcer sa TV.. actually, naiisip ko ung mismong trailer.. dati gusto kong mapanood yan, ngayon ayaw ko na ata..

halos lahat ata ng movie nina Bea at John Lloyd eh napanood ko.. Close to you, All about Love at Now that I Have You.. ewan, basta aliw ako dun sa chemistry nila.. pero syempre, iba pa rin ung Jolina Magdangal-Marvin Agustin na loveteam, un talaga the best! (oo na, jologs na! :P) anyways, balik kina Bea at John Lloyd, maganda kasi ung mga movies nila.. sabihin na nating ka-relate kasi…

ayokong panoorin ung One More Chance.. unang-una, di naman kasi ipapalabas dito sa San Antonio.. kung malapit-lapit lang ang San Francisco, tinakbo ko na eh, kaso hindi.. pangalawa, di na ako masyadong naniniwala sa one more chance.. i feel bad just saying that kasi parang ang dating, di na rin naniniwala sa love.. naniniwala naman ako, hinihintay ko lang ung taong magpapatunay ulit nun (drama!)..

ayokong panoorin, pero gusto kong malaman kung ano ung ending.. hehehe.. syempre diba? gusto kong malaman kung naging sila pa rin ba, kung magkakatotoo ung sinabi ni John Lloyd na forever and ever…

Bashang: ang totoo, hanggang ngayon umaasa pa rin ako na sabihin mo sa akin na ako pa rin.. ako na lang… ako na lang ulit..

Popoy: she loved me at my worst, you had me at my best.. and you chose to break my heart..

pamatay!

favor, kung napanood mo na ung One More Chance, kwento mo naman ung ending.. o kaya kapag lumabas na ung DVD, bilhan mo naman ako.. bayaran kita! ^_^

huwebes pa lang ng gabi, pinagiisipan ko na kung itutuloy ko ba ang pagbili ng sarili kong bahay dito sa WWW.. nag-email na rin ako kay ate melai tungkol dito, nagtanong-tanong kung magkano ba monthly at kung san ba magandang kumuha ng hosting.. sabi nya, check ko daw sa bigskymedia.net.. chineck ko ung site, ok naman ung rates nila.. kaso, di ko alam kung pano magbabayad.. sabi ni ateng, pwede daw paypal o money order.. pwede, pwede.. kaso nagtatatlong-isip pa rin ako..

bakit ko nga ba gustong kumuha ng sarili kong domain? gusto ko lang.. ^_^ ilang beses ko ring pinlano ‘to pero di matuloy-tuloy.. dahilan? madami… una, ayokong umalis bilang isang manilenya.. un lang, ayoko talaga! pero gusto ko rin ng may sarili akong bahay para madami rin akong magawa, hindi lang blog.. pwede na rin akong maging problogger kapag nagkataon.. (dream on karmi!) hehehe.. pangalawa, nahihiya na rin ako sa mga nasa link page ko.. magpapalit na naman kasi sila ng link para lang sa akin.. *hiya* sabi nga ni komski, malaking factor din un dahil mawawala daw ung readers ko (kung meron man).. pero madali namang solusyunan un diba? ili-link nyo naman ako kapag naglipat ako diba? :D pangatlo, kung lilipat man ako, kailangan ng pangalan ng blog.. un un eh.. un naman talaga ang dahilan kaya rin di ko talaga gustong lumipat ng blog.. anong itatawag ko sa blog ko.. sa dami ng bloggers ngayon, nakuha na nilang lahat ng pangalan na pwedeng gamitin.. ayoko namang gamitin ung pangalan ko.. gusto ko ung blogname na madadala ko hanggang sa pagtanda (kung blogger pa rin ako by that time).. may nagsuggest (kilala mo kung sino ka), bakit di na lang daw idlip? hmmm.. pwede, kaya naman naisip ko, idlip.net…

aus na.. yan lang naman ung problema ko, pero may solusyon na namang naibigay.. feasible nga naman ata ang pagbili ko ng sariling bahay.. nakahanap na rin ako ng hosting site, mura lang at libre pa ang domain name kapag 2 yrs. kang member.. pwede na..

naglog-in ako dun sa site, at nilagay ang nais na pangalan.. aus, available daw, kailangan ko na lang magfill-up ng form.. pangalan, address, at ung credit card number ko.. ito na nga ata talaga, magkakaroon na ako ng sariling websyt! pag-click ng submit, sabi, processing.. ok.. ito na…

kaso, error daw..

sabi, Cannot process current transaction. Credit card declined.

what?! declined? chineck ko ung card number, tama naman.. expiration date, tama rin.. anong mali? :(

…. naisip ko, kulang ata sa pondo ung card ko kaya di tinanggap.. baka nga.. so kailangan ko pang maghintay ng katapusan bago ko magamit ung card..

natatawa lang ako sa sarili ko. di ko man lang inisip kung may pera ba akong pambili ng websyt! hahaha.. oh well, sa katapusan na lang talaga.. pa-christmas ko na lang sa sarili ko.. ^_^

sana lang available pa rin ung domain name at that time kundi problema na naman ito….