kundiman[dot]net

>> sino first kiss mo?
** parents.

ngek.

nakaugalian ko nang basahin ung mga diary ko kapag wala akong magawa. tinitingnan ko kung anong nangyari ng ganitong araw 2 years ago. trip down to memory lane ang drama. may taon na parang ayoko nang maulit, meron namang ok sa alright. Disyembre na. ano nga bang nangyari ng buwang ito? hmmm.. madami-dami rin. pero may iisang pangyayari na di ko talaga akalaing nagawa ko noon.

naaalala ko pa ung araw na un.. na parang kahapon lang nangyari.. naks.. :P

Dec. 16, 2002. 5 years ago.

malapit nang matapos ang klase. karamihan eh nagki-christmas party na lang kaya pumapasok. alam ko badtrip ako nun sa boyprend ko, kasi naman di man lang magparamdam. dumaan ang araw ng ayos lang naman. hapon na nun eh, di ko alam kung bakit ako tumambay sa room nyo. siguro dahil ayaw ko pang umuwi, kaya sumama ako dun sa barkada ko na may kaibigan din sa section nyo. andun ka, nakikigulo sa games nyo. as always, ikaw ung pinakamaingay kaya di pwedeng di ka mapapansin. nakita mo akong andun kaya kumaway ka sa akin at ngumiti. kaibigan naman kita, pinsan mo nga ung barkada ko nung highschool eh kaya barkada na rin ang turing ko sayo.

uwian na. nagaantay ako ng jeep nang bigla ka na lang sumulpot out of nowhere. kwentuhan. blahblahblah. tapos, sabi mo sa akin, wag na muna akong umuwi. mamasyal muna tayo sabi mo. sabi ko naman, sige ba, basta libre mo. oo na lang ang naisagot mo. dun na nagsimula ang lahat. sumama ako sayo dahil barkada kita. tropa nga eh. pero sino ba namang magaakalang bago matapos ung gabi eh, may mangyayari pala.

sumakay tayo ng jeep papuntang Cubao, tapos sumakay ng FX. sa Sta. Lucia tayo nagpunta. ayos lang naman sa akin, kasi malapit lang naman sa bahay un. nung nasa FX tayo, hinawakan mo ung kamay ko. di ko alam kung bakit di ako tumutol. ok lang siguro un sa magkaibigan diba? hanggang sa pagbaba ng FX, hawak mo pa rin ung kamay ko. para tayong mag-juwa. kumain tayo, tapos nag-arcade pa. maya-maya sabi mo, nood tayo ng sine. sabi ko, ano bang magandang palabas? sabi mo tingnan natin.. 007 ung pinanood natin. di ako masyadong fan ng action films pero dahil libre mo naman, ayos na rin un.

medyo konti lang ung tao kaya nakapili tayo ng magandang pwesto. sa kalagitnaan ng palabas, inakbayan mo na ako. ok lang, at least makakasandal ako sayo. di ko alam pero parang may naglalaro na sa isip ko ng mga panahong un. pero di ko pinansin dahil tropa nga. di mo gagawin sa akin un. tropa.. tropa..

kaso..

ginawa mo pa rin.

hinalikan mo ko.

di ko alam kung anong nagudyok sayo para gawin un. dahil ba malamig at madilim? dahil ba sa alam mong badtrip ako? sh*t may boyprend na ko eh. pero, kahit na ganito ang iniisip ko, di kita pinigilan.

ikaw tuloy ang first kiss ko.

natapos ang palabas, di ko alam kung anong iisipin ko. tayo na ba? pano na ba ‘to? holding hands tayong lumabas ng mall hanggang sa loob ng FX. inihatid mo ako sa bahay pagtapos ay hinalikan mo ulit ako at sinabing tatawagan mo ako kinabukasan.

tumawag ka naman.

at naging tayo nga.

tamis nga ba ng unang halik un? di ko alam.

ewan, sa dami naman ng maaalala ko diba? ito pa. di naman ako nagsisisi. pero sana di ko na lang ginawa. oh well, 5 years ago na. friends pa rin naman kami nung tropa ko na un.

note: di ko kayang i-describe ung ilang part nung kwento. wag ka nang magisip ng kung ano pa dyan. halik lang talaga un! :P hahaha.. defensive..

Mga Kahalintulad na Posts

• the ambiguous case #3
• Mano po, ninong
• Love 201
• Ikaw ay mananatiling parte ko.
• . . . . . . . . .