kundiman[dot]net

may naririnig akong boses….

ate! ate!

ang ingay naman nila… ano bang problema?

ate, tingnan mo ‘to bilis.
ate, bumangon ka na nga dyan.
aalis kami, di ka ba sasama?
ateeeeeeee….

ang kulit. ang ingay. di ba nila alam na mahirap maging pang-gabi? laging kulang sa tulog. makakabawi ka man, di pa rin sapat dahil iba pa rin talaga ang tulog kapag gabi. hay.. di talaga nila maiintindihan un hanggang di nila nararanasan.

nak, di ka ba sasama?
sige iiwan ka na namin dito.

…………..

biglang tumahimik. may dumaang anghel siguro. hay, sa wakas.. makakatulog din ng maayos..

tiktaktiktak..

zzzzzzzzz…..

zzzzzzzzzzzzzzz……

teka, anong oras na ba?
putik, alas-11 na pala!

ate, eleven na ah. kagigising mo pa lang?
oo tol.
ano ka ba, natulog ka na naman maghapon?
oo, eh.
SLACKER.
he!

……………

tol, tara na. hatid mo na ko.

ma, tara na po.

ma, umalis kayo?
oo.
eh bat di nyo man lang ako ginising?
ginising ka kaya namin. inalog-alog ka pa nga ni mina, kaso sabi mo lang ‘oo’..
ganon? badtrip naman un. wala na naman akong nagawa ng araw na ‘to.
kumain ka ba?
di nga po ako nakakain eh.
anong oras ka ba nagising?
11 na po.

ate, 11 ka na nagising? anong oras ka ba natulog?
12nn.
almost 11 hours kang tulog?
oo nga eh. sakit tuloy ng ulo ko.

promise bukas, di ako matutulog ng ganong kahaba!
promise..

From days of long ago. From unchartered regions of the UP campus, comes a legend, the legend of Ikotron, defender of the UP campus. A mighty robot, loved by good, hated by evil.

Hehe, wala naman kasing tagline ang Transformers e, kaya Voltron na lang. Peyborit ko naman yun.

Natuwa ko nung nakita ko itong ikotron, hehe. Lalo na nung narealize ko na baka magtatransform talaga ako, at kaya nga! “Sige, tatayo ako dito hanggang magtransform yan!”, sabi ko nang malakas habang nakatayo sa tabi ng kalsada. Narinig naman ako nung isa sa mga gumawa nun at sinabi niya na sa tapat lang ng mga colleges nila itatransform yun, dahil low-quality ata ang sabi niya, haha.

Baka nga naman masira kaagad kapag maya’t maya nila itong sinummon. Sabi nga ni Tina na wala na raw yung bubong nito nung dumaan sa eng’g, hehe. At hindi na rin ito nagtransform sa tapat nila.

Anim na tao nga pala raw ang nagbubuhat sa loob nun. Sayang at hindi ko ito nakita in full-transform form, hehe. Dapat pala e bumalik ako sa may AS, kahit mag-isa, sayang. Umalis na kasi si Tina para sunduin ang kaibigan niya.

Ang ikot nga pala ay ang mga dyip na sinasakyan kung tinatatamad kang maglakad, o kung male-late ka na papunta sa iyong klase sa kabilang ibayo ng aming eskwelahan. Ayan, suki ako niyan dahil madali akong mapagod, hehe.

Lantern Parade nga pala kanina. Nakita ko naman ang karamihan sa mga kasali sa parada tingin ko. Mga marching bands, parading faculty in costumes, mga orgs tulad ng mga magagandang diwata na may dalang banner na “Centennial na, umamin ka na!”, hehe, mga nagsasayawang higantes ng SOLAIR, at marami pang iba. Hmmm, hindi ko nga nakita ang lahat ng kasali.

Siyempre, ang laging inaabangan ng lahat, ang mga estudyante ng Fine Arts kasama ng kani-kanilang individual at group, hmmm, anu bang tawag dun? hehe. Ang theme ata nila ngayong taon ay ang mga Filipino artists tulad nina Bencab, Abueva, Larry Alcala, atbp. at kanilang mga likha. Gusto ko yung kay Larry Alcala, hehe=) Marami ring mga ikot dyip, hehe=) Pasakay!

Miss, kasya pa ba ang isa?

Matagal na mula nang huling nailabas ang nakatago naming christmas tree. Sa sobrang tagal na noon ay hindi ko na nga maalala kung kailan at ni hindi na nga ito napag-uusapan ngayon, o kahit noong mga nakarang taon. 

Siguro'y kung bubuuin ko ito ngayong pasko ay mas malaki na ako kaysa rito, kung 'di man ay kasing tangkad, kaya hindi ko na kailangang gumamit pa ng silya upang maikabit ang mga tangkay ng plastik na dahon sa kaniyang tuktok. Hindi na rin siguro ako aabutin ng limang hakbang para lang libutin ito habang ikinakabit ang makikinang na pula, berde at puting tali sa paligid nito. Hindi na rin siguro ako magpapatulong pa sa pagkakabit ng mga makukulay na bilog na ornamento't mga pulang foam na mansanas na may kagat na ng mga batang hindi marunong makinig.

At hindi ko na rin siguro kinakailangang tumingala pa, para lang makita ang maliwanag nitong bituin.

Pero kung bubuuin ko man ito'y paniguradong ang mga natitirang dahon ay sapat lang upang matakpan ang hindi hihigit sa kalahati nitong kabuuan at malamang ay hindi rin ito tatayo mag-isa dahil sa pagkakaalala ko'y wala na ang dalawa sa tatlo niyang mga paa.

Mabubuo pa kayang muling ang aming dating Christmas tree?

Madrama ba? hehe. Hindi ko na rin ieeksplika pa kung bakit hindi na kami naglalagay ng christmas tree. Itong entry ay bilang tugon sa tag ni karmi, ang kaisa-isang pinagmumulan ng mga tagged posts sa blog na ito, hehe=) keep them coming! May requirements pang iba yung tag e, pero hindi ko na nagawang sundin pa, sori.

isang paguusap:

ako: Ma, straight na 10 days ang pasok ko sa trabaho ngayong linggo. mula dec. 15-24.
nanay ko: so pasko ang day-off mo?
ako: opo, pasko lang.
nanay ko: o di para ka na ring nagsimbang gabi sa ginawa mo.
ako: oo nga noh.

sampung araw na tuloy-tuloy ang pasok ko. at least, off ako ngayong pasko, di tulad last year na mag-isa akong nagno-noche buena sa trabaho. yan ang hirap kapag sa ospital ka nagtatrabaho eh, walang holiday-holiday. sana Pasko na! ^_^

at dahil isang linggo na lang eh Pasko na, sakto ung tag sa akin ni Roselle.. i-post ko raw dito ung itsura ng Christmas Tree namin, magkwento tungkol dito at ipasa iba pang blogger. ok, ito nga pala ung Christmas Tree namin..

nyahaha, mali. ^_^ di pala yan. (ako nga pala ung bebi dyan)

ito na talaga. ^_^

ito po ang Christmas Tree sa bahay namin ngayon. yan din ung Christmas Tree namin last year. pinamana pa sa amin yang ng Lola ko mula nung pumunta kami dito sa America. isa ata kami sa mga unang naglagay ng Christmas Tree dito dahil bago pa lang mag-Thanksgiving, itinayo na ito ng tatay ko. kadalasan kasi, pagtapos ng Thanksgiving saka nila nilalagay ung Christmas Tree nila o kaya naman ilang linggo bago magPasko dahil mga totoong puno ung gamit nila.

di ako nakatulong magdecorate nitong taon dahil tulog ako. nagising na lang ako, nakatayo na ung Christmas Tree namin, akala ko nga ang haba ng tulog ko at paggising ko Pasko na agad. (hahaha. joke. :P)

theme. wala namang specific na theme ung Christmas tree namin dahil kung ano ung palamuting binili namin last year, un pa rin ung gamit namin ngayon. ung tree topper lang ata ang napalitan dahil angel un last year eh. ^_^

ipapasa ko naman ito kina komski, deng, masterbetong, kingdaddyrich at gasti. patingin naman ng mga christmas tree nyo. ^_^

—

share ko lang. nanood kasi kami ng Sunday TV Mass kahapon (TFC). sabi nung pari sa homily nya.

pari: alam ko na kung bakit nananalo si Manny Pacquiao sa mga laban nya.
pari: kasi naniniwala sya sa kasabihang. “its better to give than to receive”.

nagkatitigan lang kaming magkapatid, saka natawa. hehehe.

(joke un. kung di mo ma-gets, tanong mo sa akin.  kung na-gets mo naman, eh di na-gets mo.. :D)

Merry Christmas to you! ^_^

Read the rest of this entry »