kundiman[dot]net

Go Extreme. Ilang mura kaya ang lalabas sa bibig ko kung tumalon ako mula sa isang eroplano at mahulog pababa sa mundo? Magpaikot-ikot sa ere at magpatambling-tambling sa mga alapaap. Sarap siguro nun, hehe. Kapag namatay na ako’t hindi ko pa ito nagagawa, o lang kahit tumalon ako mula sa langit at mahulog sa impiyerno, pwede na, makamit ko lang ‘to. Hmmm, kaya dapat talagang magawa ko ito bago ako kunin ni Lord, haha.

Buy a vowel. Noong bata pa ako ay sabik na sabik akong maging 18, para makasali na ako sa mga game show. Nakailang text na ako nitong nakaraang dalawang taon para maging studio contestant pero hindi pa ako napipili ng electronic draw nila. Talagang malas ako pagdating sa bunutan, haay. Magtetext na ako para sa Wheel of Fortune, hehe. Sana mapili.

Bake, bake, bake. Dream business ko na siguro ang magkaroon ng panaderia, bakery shop, pastry shop, o kahit na anong may kinalaman sa pagbe-bake. Small business lang sa isang rural area. Pero hindi pa talaga ako nakakapag-bake ni minsan, dahil wala naman kaming baker (corny). Meron kami dati, oven toaster, pero naaalala ko lang na niluto ko du’n ay isang piraso ng clay na hugis tao, hindi sunog, hindi rin hilaw, kundi lusaw. Mabuti na lang at hindi siya nabuhay.

Me on paperback. Gusto kong maipublish sa isang libro=) astig yun. Kahit na maisama lang ang pangalan ko, maisingit sa acknowledgements, ganun, hehe. Mabanggit ng kung sinong writer na nakakilala sa akin o ‘di kaya’y maisama ang naisulat ko mismo, mas maganda yun. Sana makaisip ako ng text kowt na sobrang malupit, haha.

One-time Third eye trial. Gusto kong makakita ng multo kahit isang beses lang sa buhay ko, este, sana isang beses lang pala sa habang panahon na ako’y nabubuhay. Ayoko nung feeling lang na parang may multo, o sigurado kang may multo pero hindi mo naman nakikita, madalas naman mangyari sa akin yun. Gusto ko yung kita talaga, hindi malik-mata, hindi anino, hindi lumilipad na pinggan o sumasaradong pinto. Face-to-face, ‘wag lang nakadikit. Huwag rin yung nanghahabol o nananakot, nangangain o nanunumpa. Gusto ko yung try-hard na multo, yung pepekein mo na lang yung takot para magkaroon naman siya ng fulfillment sa bu— hmmm.. sa kabilang-buhay.

29 Nov. 2007.

one e-mail received.
 
It was nice to have the chance to work with you, it made working nights better and made the work go faster. I enjoyed being your working partner, and I will miss our conversations about life and everything else.  I hope to hear from you soon so keep in touch.

me thinks: wala na ung partner ko. :( wala na akong kasama sa trabaho, wala nang ka-chikahan. dadalawa na nga lang kami, iniwan pa nya ako. :( hay, gudlak sa akin. malamang sa malamang eh wala akong magiging day-off nito. 7 days a week ang magiging trabaho ko. hmmm, ayos lang naman, overtime pay din. sana lang kayanin ko. sana lang talaga.

sino kayang magiging partner ko? sana babae ulit. gusto ko babae ulit….

first week of Dec. 2007.

supervisor: they are currently hiring for the position. do you know anybody who would want to apply?

me thinks: meron. ung pinoy na nakilala ko. hmmm, kaso gusto ko babae eh. pero ok na rin un, kahit lalaki, pinoy naman. makakasundo ko rin naman siguro un. makakadaldalan. pwede. ite-text ko na sya para makapag-apply sya. sana sya na ung matanggap. sana walang ibang magapply! hehehe.

2 days before Christmas.

me thinks: pagod na ko. x_x hirap pala ng halos walang day-off. hirap ng walang pahinga. sana may matanggap na sila. kahit sino na lang. ok na sa akin kahit lalaki. basta meron. basta magkaroon lang ako ng off.

2nd shift operator: hey karmi, have you heard if they got somebody for the position?
me: nope, i haven’t.
2nd shift operator: do you prefer working with a girl again or do you want a guy?
me: i know my supervisor would want a guy operator. right know, i don’t care anymore. they can get anybody.

a day before New Year.

2nd shift supervisor: karmi, they got a new guy already.
me: guy? means they got a guy?
2nd shift supervisor: yup, they did. i heard he was blahblahblahblah…

me thinks: patay. lalaki nga ang nakuha. naku naman, hindi pa ung pinoy ung nakuha. mexicano daw. makasundo ko kaya sya? sana naman.

2nd shift supervisor: he is 27 yrs. old and a certified bachelor..

me thinks: ay sus. lablyp kaagad ang naisip nito. lalo tuloy akong kinabahan. sana lang mabait sya. naku, pano na lang yan, di na ako makaka-idlip saglit sa trabaho. gising na ko nito magdamag. sana babae na lang ung nakuha nila…. :(

01 Jan. 2008

ako: dad, may nakuha na sila para dun sa trabaho.
tatay ko: sino daw?
ako: si blahblahblahblah.
tatay ko: ah, kilala ko sya. mabait un. ok un.

me thinks: ayos, kilala ng tatay ko. pede-pede. ewan ko ba kung bakit ako kinakabahan. alam kong masama ang magisip ng kung ano sa kapwa mo, pero di ko maialis sa sarili ko ang mag-isip. dalawa lang kami sa computer room. hay naku, sasapakin ko un kapag nagtangkang gumawa ng kung ano!

9 Jan. 2008

supervisor: the new guy will start on Monday, the 14th.

me thinks: ok. may ilang araw pa ako para maghanda. mejo di na ako kinakabahan. sabi nung isang bisor, mas malaki daw ako sa kanya kaya kayang-kaya ko syang sipain. hahaha. sana lang magawa ko un. pero, sana lang talaga makasundo ko sya.

supervisor: you’ll be ok karmi. just remember one word and you’ll be fine.
me: what word?
supervisor: NO.

me thinks: ok. NO. gudlak!