kundiman[dot]net

May nakikita ka bang mali sa litratong ito? Wala naman di ba? Pwera na lang kung iisipin mo kung bakit ang aking bisikletang dapat ay ginagamit na pang-ehersisyo para naman mabawasan ang mga naipong taba sa katawan ay nakasabit sa may kisame. Ito ba ay upang mawarm-up ako, na bago pa man simulan ang pagpadyak sa mga pedal palabas ng bakuran ay pagpapawisan na ako sa pagkuha pa lang nitong bisikleta?

Basahin mo ulit yung title. Kaya nga hindi na ako nagtataka kung bakit kahit gustuhin ko mang pumayat kahit kaunti ay hindi pa rin nangyayari. Ang isang balingkinitan na katawan ay isa na lamang malayong pangarap, isang matayog na bituin sa kalaliman ng gabi. Grabe, drama.

Ito ay ang aking entry para sa lingguhang litratong pinoy sa kategoryang balingkinitan. Ang litrato ay ang aking bisikleta na nakatago sa may tahian/tabasan, sa aming likod bahay habang ito ay nakasabit sa kisame. Maaari mo ring tignan ang iba pang mga lahok.

Malapit ka lang ba sa Maynila? Sali na sa Litratong Pinoy EB! Makilahok, mamasyal, manguha ng litrato sa buwan ng LitrAgosto! O ha, may halong advertising powers pa, hehehe:D Ang iba pang mga detalye ang makikita sa forum thread na ito. Join ka na!

July 8 US / July 9 Pinas. dalawang nilalang na nasa magkabilang panig ng mundo. hindi ininda ang 13 hours na time difference. parehong puyat, parehong adik. kaya naman natapos nila ang kanilang matagal nang project.

anong pangalan ng blog natin? karmski?
hmmm, gawa muna ako sa idlip ng subdomain.
ok, tapos saka na lang natin ilipat ung finished blog sa ibang pangalan.
isip ka na ng tagline.
tagline.. tagline.. hanap ka na ng theme.
ok.
grabe, sana magkasundo tayo sa theme ano?
hehehe. oo nga. ano may naisip ka na bang tagline?
wala pa. teka, nagiisip pa eh..

isang blog kung saan nagsama ang parehong writer kuno. isang blog kung saan nagsama ang kanilang mga ideya at mga kwento para maaliw ang mambabasa (sana).

iniisip ko, kapag nagisang blog na lang tayo, pano na ung mga stalkers mo?
stalkers? ako? baka ikaw dyan, pano na ang mga admirers mo.
admirers ka dyan. wala kaya.

isang blog ang naisipang gawin para kahit man lang sa iisang lugar ay magkasama sila. iisa na lang na bahay. isang tambayan. pihadong magiging masaya. ^_^

eh pano kapag nagaway tayo?
eh di hanap ka na ng sarili mong blog ulit.. hehehehe..

dahil kay BO kaya nagkakilala. dahil sa blog kaya naging magkaibigan. at ngayon, *ehem*..

ito na ba talaga? seryoso na?
oo, na-import na natin ung posts natin eh.
ok. :)

matapos ang halos apat na oras na pagkukulitan at pagaasaran sa voice chat, pakikipagaway sa support ng host, muntikang pagkawala ng komski.net, pagiisip ng magandang tagline at paghahanap ng matinong theme at plugins.. naimport na ang mga entries at naayos na rin ng kaunti ang blog.

karmi at komski [dot] net. — when emo gurl meets geeky boi.

ito na nga. =)