ate, may writing contest ah. baka gusto mong sumali.
tungkol san naman?
susulat ka ng letter dun sa paborito mong author.
ah o? sakto, gusto kong sulatan si Nicholas Sparks.
oo, pwede living o dead. basta author na gusto mo.
kung nabasa mo na itong post ko dati, malamang ay alam mo nang paborito kong author si Nicholas Sparks. nabasa ko na lahat ng libro nya, at ngayon nga’y di na ako makapaghintay dumating ang Sept. 30, dahil may lalabas sya ulit na libro, ang “The Lucky One”. ewan ko ba kung bakit gustong-gusto ko ung mga libro nya, eh kadalasan, tragic ang ending. madalas namamatay ang bida, basta nakakalungkot. at tulad nga ng sinabi ko sa post ko dati, “he never fails to make me cry”.
pagkauwi namin, ay chineck ko kaagad ung site na sinasabi ng kapatid ko. interesado ba talaga akong sumali sa pa-contest na un? gusto oo, pero di ako sasali. goodluck, nosebleed un pag nagkataon. saka isa pa, from grades 4-12 ung requirement. hehe, asal highschool student lang ako, pero di na nag-aaral kaya di talaga pwede.
ayos sana un kung makakagawa ako ng sulat para sa idol ko. ilang beses ko na ring tinangkang gumawa ng blogpost para sa kanya, pero madalas di ko natatapos. dahil na rin siguro sa sobrang daming gusto kong sabihin sa kanya eh hindi ko alam kung san sisimulan. gusto kong tanungin kung bakit mahilig syang magpaiyak ng tao. kung san nya nakukuha ung mga ideya nya sa mga libro nya. gusto kong sabihin na kahit na nangingilid ang luha ko kapag nagbabasa ako ng kwento nya, eh nai-inspire pa rin ako. dahil sa mga libro nya, natutunan kong maniwala sa pag-ibig at sa hiwaga nito. na kahit magkalayo kayo, kahit na anong mangyari, kung mahal nyo talaga ang isa’t-isa, hinding-hindi ito mawawala. na totoo ngang everything happens for a reason. gusto kong sabihin sa kanya na napakaromantic ng ginawa ni Wilson sa The Wedding, at the best na love story talaga ang The Notebook at kahit ilang beses ko nang nabasa ang A Walk to Remember eh naiiyak pa rin ako. pero… kahit na gusto ko ang mga kwento nya, marami pa rin akong tanong kung bakit ganon ang nangyari sa mga bida. itatanong ko kung bat kailangang mamatay ni Jamie sa A Walk to Remember, kung bakit di nagkatuluyan sina John at Savannah sa Dear John, at kung bat kailangang mamatay ni Lexie sa At First Sight. i can go on and on sa mga tanong ko at papuri tungkol sa mga libro nya, pero isa lang naman ang gusto ko talagang sabihin sa kanya.. SALAMAT. ok, THANK YOU, para maintindihan nya.
super thank you sa mga nobelang kahit ilang beses kong basahin ay kikiligin pa rin ako’t maiiyak. :)
ate, malay mo ung premyo eh mameet mo ung author na sinulatan mo
ayos un. pwede pwede. sana lang makausap ko sya diba? kaso, baka ma-starstruck ako.
(moment of silence sa sasakyan)
pero ate, pano kung ung sinulatan mo eh patay na pala.
…..
buti na lang buhay pa si Nicholas Sparks.
