Ang tagal naman nya, yan ang aking iniisip habang hawak itong numerong ibinigay sa akin ng crew. Napaaga ata akong masyado. Anung oras pa lang kasi, umalis na ako ng bahay para di matrapik, pero nakalimutan kong Linggo nga pala ngayon kaya wala masyadong sasakyan. Kaya heto ako ngayon naghihintay.
Gutom na rin ako. Hindi na ako nakakain ng agahan sa pagmamadali. Buti na lamang at dito kami magkikita, makakakain pa ako habang naghihintay. May dumaang isang crew sa harap ko, itinaas ko ang numero, pero hindi pa pala iyon ang inorder ko. Ang tagal naman.
Halos labin-limang minuto na rin ang lumipas, sa wakas ay dumating na ang pagkain ko. Ibinigay na ng crew ang aking pagkain sabay tanong kung may kailangan pa daw ba ako. Sabi ko’y wala na, sabay abot ng number na ngayon ko lang napansing monthsary pala namin. Coincidence nga naman.
Ilang minuto pa’y dumating na din sya. May dalang isang dosenang pulang rosas at tsokolate. Lumapit sya sa akin na may ngiti sa labi, iniabot sa akin ang bulaklak sabay halik sa aking pisngi. Monthsary kasi namin ngayon eh at hindi sya late, himala.
Ito ang aking lahok para sa ika-107 linggo ng Litratong Pinoy na may temang Numero o bilang (numbers). Ang litrato sa itaas ay kinunan ni Arvin nang minsan sya’y nasa Jollibee. Halina’t bisitahin ang lahok ng iba pang miyembro.
Langgam!!! andaming langgam namumula pa! hahaha Happy Anniv! saan ba yan at kulay red? Ano naman ang kinain mo, pahingi!
ay monthsary pala…shensha na malabo ang mata! :D
Oii monthsary pala ninyo happy monthsary!! Mine is up!
LP~Numero
happy anniv sa inyo! Ganyan din ako, pag gutom na bilang na bilang ang mga segundong lumilipas mula ng bigay ang number :)
monthsary–strange ang concept na ito sa aking generation.:p
ang hirap maghintay kapag gutom, nakakainit ng ulo (lol).
ANTS! (para maiba kay Mirage ha ha!) Ka sweet naman ni fafa Arvin ha ;) Langgam talaga, ang dami sa blog na ito, hindi maBILANG!
di ko nakita yong waiting number ko sa aking baol kaya di ko na post ang litrato na ganyan. I would not mind waiting for an hour when i get to get “a dozen or more roses and chocolates — heto na naman di naman ako maka comment dun sa post nyo.”
Ah romantic naman nito! Happy monthsary!