kundiman[dot]net » blabbers

Showtime

karmi — Thu, 21 Jan 2010 23:17:45 +0000

Alas-singko pa lang ng hapon gising na ako. Kulang na naman sa tulog. Badtrip na naman ako.

Nakahiga lang ako at hindi pa bumabangon, nagbabakasakaling makakatulog muli. Baka matapos ang ilang minuto’y dapuan ulit ako ng antok. Pero sawi, nakahiga nga ako’y naglalakbay naman ang diwa ko. Nagugutom na ako, pero maaga pa para kumain. Naiisip ko ung mga lakad kong nakaplano na sa Marso. Nas-stress na naman ako. Minsan parang ayoko na lang isipin, para di na sumakit ang ulo ko.

Tumunog na naman ang tyan ko, kelangan ko nang kumain talaga. Kelangan ko rin ng ibang gagawin para di ako masyadong mag-isip. ung maaaliw ako.

Mina: uy Showtime na?

Gusto kong subukang matulog, pero Showtime na. Manonood na lang muna ako.

At sana makatulog ako ulit mamaya.

Mga Kahalintulad na Posts

book-reader’s block

karmi — Mon, 11 Jan 2010 21:44:45 +0000

Book-reader’s block. Hindi ko alam kung may ganyang salita talaga o pauso ko lang. Book-reader’s block, isang sakit ng mambabasang tulad ko na nahihirapang maghanap ng librong magugustuhan, kahit na halos ilang oras nang nasa loob ng bookstore.

Kanina lang, nagpunta kami ng kapatid ko sa Barne’s and Noble. Naisip ko na, sakto, kailangan ko nang magbasa ng panibagong libro dahil September 2009 pa ata ung huling librong nabasa ko. Magaapat na buwan na akong walang bagong librong nagugustuhang basahin. Hindi ko alam kung kelan nagsimula ito. Dati-rati nama’y hindi ako nauubusan ng mga librong nabibili at nababasa. Hindi bumababa sa dalawang libro ang binabasa ko sa loob ng isang linggo. Hindi ko alam kung paanong nakatagal ako ng apat na buwan na walang librong nababasa o may nasisimulan pero hindi natatapos. Malala na itong sakit ko.

Wala na akong magustuhang bagong author. May bagong libro ung gusto kong author, pero hindi ko binili ung libro nya. Hindi ko feel. Wala sa mood. Hay, pati ba naman pagbabasa eh kinawawalan ko na rin ng gana? Gusto kong sisihin ung mga bagong author ngayon eh. Wala nang masyadong choices. Dahil sa nauso kasi ang mga libro tungkol sa bampira at “black magic”, halos lahat tuloy ng libro eh tungkol dun. Hindi ko na masyadong feel ung ganung kwento. Masyadong unrealistic. Masyadong predictable. Hindi rin naman ako mahilig masyado sa suspense at action, kaya hindi ko na kino-consider ung genre na un. Love story. I’m a sucker for love stories. Pero wala pa rin akong mahanap na librong magugustuhan ko talaga. Wala na ata akong pag-asa.

Tiningnan ko ang aking bookshelf. May halos 7 libro pa ata akong hindi nababasa. Ok na rin sigurong wala muna akong nabiling libro kanina, dahil ayokong madagdagan pa ung nasa listahan ko. Susubukan ko na lang muna sigurong basahin ung mga libro ko dito at hopefully eh bumalik ang interest ko sa mga kwento, sa pagbabasa.

Goodluck.

Mga Kahalintulad na Posts

head shot

karmi — Mon, 21 Dec 2009 07:30:28 +0000

Sa wakas nakapaglaro na rin ako ng Counter Strike.

Meet Arvin. =)

Matapos ang isang oras na paglalaro, dalawang head shot kills, at di mabilang na pagkamatay ko, i mean ng character ko, hanggang ngayon eh mabilis pa rin ang tibok ng puso ko. O.o Grabe lang, magugulatin na nga ako noon pa, parang nadagdagan pa ngayon. Hehe.. Hindi ko alam kung bakit ngayon ko lang nasubukan maglaro ng Counter eh kitang sobrang adik noon ang ex ko (nung college). Well, paano ko nga naman magugustuhang laruin ang game na ito eh ito nga ung dahilan ng break up namin. LOL.

At ngayon, salamat kay Arvin, magaling na akong pumatay, i mean tsumambang makapatay. Onting practice pa. :) Hehe.

Mga Kahalintulad na Posts

Protected: eto na nga bang sinasabi ko.

karmi — Wed, 04 Nov 2009 02:49:34 +0000