down ba blog baby?

naging regular na tanong na yan kapag magkausap kami ni arvin. halos, araw-araw ata eh nagdo-down ung blog, at may specific time pa nga ata. kung bakit, eh di ko alam. kung tatanungin ko naman ung host ko, wala naman silang matinong maisasagot. wala na ngang dumadalaw masyado dito sa blog, magda-down pa. kamusta naman un?

kaya naman, naisipan ko nang lumipat ng host. mas reliable naman ata ito. :) sana.

kaso, madugo rin pala ang paglilipat. nameservers, DNS, EPP. mga bagong salita na ngayon ko lang na-encounter at nalaman. di pala ganon kadaling maglipat. :| madami kang dapat isaalang-alang. ung files, database, at syempre, ung pagpopoint ng domain mo sa bagong host. katatapos ko lang makipagchat sa dati kong host at sinabi nilang nailipat na daw ung nameservers. sana nga. :)

at dahil mejo ayaw kong maniwala sa host ko, ito ay isang trial post mula dito sa temporary web address namin. sana lumabas sya sa kundiman. :D

Isang tradisyonal na awit ng pag-ibig ng mga Filipino. Karaniwang ipinapahayag sa awit na ito ang matapat na pag-ibig ng isang manliligaw na handang magsakripisyo at maghirap para sa kanyang minamahal.

- Kundiman, WikiFilipino

Ang bigat naman nun, pero hindi naman yan ang una naming naisip sa domain name na napagkasunduan namin, kundi ang kanta ng silent sanctuary na pareho naming gusto.

Para kang asukal, singtamis mong magmahal. Para kang pintura, buhay ko ikaw ang nagpinta. Para kang unan, pinapainit mo ang aking tiyan. Para kang kumot na yumayakap sa tuwing ako’y nalulungkot.

Kaya’t ‘wag magtataka kung bakit ayaw kitang mawala.

Kung hindi man tayo hanggang dulo ‘wag mong kalimutan. Nandito lang ako, laging umaalalay. Hindi ako lalayo dahil ang tanging panalangin ko ay ikaw.

- Silent Sanctuary, Kundiman

Isang araw din naming pinag-isipan, fourteen(unavailable), karmski (jologs at corny), bakitngayonkalangdumating (ang haba, parang teleserye), bloghouse (huh??)…

kundiman.
kundiman… hmmmm. i like the song. hehehe.
hehehe. tas kakantahin natin. hehehe.
hala. hehehe. aun pwede .net
o?
oo, bilhin ko na? para mailagay ko na bago ako umalis. :)
oo nga.
ok lang sa akin. hehehe. kundiman.net
:)
pwede.
ayus.

Kaya ayan. Lumipat na naman kami, kasi naman, wirdu ang karmi.at.komski.net. Madalas ‘di maaccess sa Pilipinas, minsan sa Amerika hinde, minsan pareho. Wirdu na nga, mahaba pa. Ang hirap i-type di ba? Pa-update na lang po ulit ng mga links:D Promise, kapag nagkaproblema pa ito, magbebreak na kami ni karmi, hehehehe, joke.

July 8 US / July 9 Pinas. dalawang nilalang na nasa magkabilang panig ng mundo. hindi ininda ang 13 hours na time difference. parehong puyat, parehong adik. kaya naman natapos nila ang kanilang matagal nang project.

anong pangalan ng blog natin? karmski?
hmmm, gawa muna ako sa idlip ng subdomain.
ok, tapos saka na lang natin ilipat ung finished blog sa ibang pangalan.
isip ka na ng tagline.
tagline.. tagline.. hanap ka na ng theme.
ok.
grabe, sana magkasundo tayo sa theme ano?
hehehe. oo nga. ano may naisip ka na bang tagline?
wala pa. teka, nagiisip pa eh..

isang blog kung saan nagsama ang parehong writer kuno. isang blog kung saan nagsama ang kanilang mga ideya at mga kwento para maaliw ang mambabasa (sana).

iniisip ko, kapag nagisang blog na lang tayo, pano na ung mga stalkers mo?
stalkers? ako? baka ikaw dyan, pano na ang mga admirers mo.
admirers ka dyan. wala kaya.

isang blog ang naisipang gawin para kahit man lang sa iisang lugar ay magkasama sila. iisa na lang na bahay. isang tambayan. pihadong magiging masaya. ^_^

eh pano kapag nagaway tayo?
eh di hanap ka na ng sarili mong blog ulit.. hehehehe..

dahil kay BO kaya nagkakilala. dahil sa blog kaya naging magkaibigan. at ngayon, *ehem*..

ito na ba talaga? seryoso na?
oo, na-import na natin ung posts natin eh.
ok. :)

matapos ang halos apat na oras na pagkukulitan at pagaasaran sa voice chat, pakikipagaway sa support ng host, muntikang pagkawala ng komski.net, pagiisip ng magandang tagline at paghahanap ng matinong theme at plugins.. naimport na ang mga entries at naayos na rin ng kaunti ang blog.

karmi at komski [dot] net. — when emo gurl meets geeky boi.

ito na nga. =)