ayos lang basta’t kasama
konting alak lang kahit walang pulutan
nasa tapat tayo ng isetann sa cubao noon. gabi at nagaabang tayo ng masasakyan nang kinanta ko yan sayo. nahihirapan na kasi tayong makasakay kaya nagaalala ka na rin. para sa akin ayos lang kahit nasan tayo basta kasama kita. napatingin ka sa akin at ngumiti. mula nun naging kanta na natin yan.
akma ata ung kanta sa atin dahil pareho tayong tomador pero minsan lang ata tayong uminom na tayong dalawa lang. ayaw mo na iinom ako kapag kasama kita. madaya ka un ang lagi kong sinasabi sayo. lagi kitang inaaya ng drinking session pero di natutuloy. nakakagawa ka ng paraan para di tayo uminom. ang galing mo.
ay, wag naman alisin ang nagiisang panaginip
na ika’y magbabalik, magsasamang masaya at walang pagkukulang.
andito na ako sa Amerika nang sumikat ang kantang yan. tamang senti para sa atin dahil di natin alam kung anong maaring mangyari. na pano nga kung di na ko makabalik, at di na tayo magkitang muli. nung unang beses kong narinig ang kantang yan, gusto kong umiyak. dahil ayokong mawala ka sa akin. ayoko.
sige lang sandal ka lang.
at wag mong pipigilan
iiyak mo na ang lahat sa langit
iiyak mo lang ang lahat sa akin.
di mo lang alam, kanta ko yan para sayo. nung panahong madalas ay di kita nakakausap. dahil mas gusto mo pang sarilihin ang problema. dahil ayaw mong pati ako ay magalala sayo. wala akong ibang magawa kundi ang intayin kang sabihin sa akin ang problema na di naman nangyari. alam mong andito lang ako para sayo. alam mo un.
di ko man lamang nalaman na mawawala.
di mo man lamang naisip na idahan-dahan.
di ako sanay sa biglaan
unti-unti na lang sanang nawala.
sana nga unti-unti. sana naramdaman ko na mawawala. di ako handa nun eh. hindi man lang ako nakapagreact ng maayos. ganon na lang un, nawala na lang lahat. sayang.
at ngayong wala ka na
hindi alam kung san magsisimula
ang ngayon, bukas, kailanman nagiba
wala nang bukas.
wala na lahat ng pangarap natin para sa isa’t-isa. pwedeng-pwede nga palang mangyari un. na parang isang bula ay parang walang nangyari. di ko alam kung anong gagawin ko ng panahong un. di ko alam kung pano ko maibabalik ung dating ‘ako’ na nakilala mo. ang hirap. pero wala na naman akong magagawa eh. i have to move on.
nang mawala ka sa buhay ko, saka ko na-realize kung gaano kaliit ang mundo ko. na sayo lang pala ito umiikot. nasaktan mo ako pero natuto ako. salamat sayo.
4 na kanta ng 6cyclemind. kahit na magkaiba na ang landas natin, sa tuwing pinapatugtog ang mga kantang yan eh ikaw talaga ang naaalala ko – both good and bad memories natin.
ang minsan, naalala
at di magtatagal tayo ay liligaya.
alam ko magiging maligaya rin tayo. :)
