kundiman[dot]net

note: sensya na, January pa lang eh may Valentine’s Day post na ako. :) — mimay

..at sana tama ka nga na ituring mo akong tala mo. siguro tama nga, dahil dito lang ako sa tuwing madilim at di mo makita ang pupuntahan mo. gagawin ko ang lahat para ibigay ko ang liwanag na kailangan mo. ako ang magiging tala mo. alam ko maraming ibang bituin sa langit, at kung di man ako ang pinakamaliwanag ay umasa kang magniningning ako para sa iyo lamang. sa iyo lamang ang liwanag ko, dahil sa iyo lang naman ako kikinang, sayo lang ako kukutitap. tanging sa iyo lamang ang liwanag ko.

at kung maulap man ang gabi at maharangan ang ningning ko, hayaan mo’t hindi ako mawawala, andun lang naghihintay na masilayan kang muli.

at balang araw ay magpapatihulog ako sa kalangitan, falling star ba, para matupad ko ang kahilingan mo, bababa ako mula sa langit para makasama ka.

sa ngayon, sana maging sapat ang liwanag ko mula sa malayo, dahil hanggang dun lang naman ang kaya ko, ang tanawin ka.

- Arvin

ano pa bang masasabi mo kapag nakarecib ka ng card na may nakasulat na ganyan? wala na. ngingiti ka na lang at maluluha. gustuhin mo mang yakapin ung taong nagpadala ng sulat ay hindi mo magagawa kaya naman kukunin mo na lang ung celphone mo para itext sya. haaay. nakakamiss. pero di ko magawang magdrama masyado dahil alam kong walang dahilan para malungkot. ^_^

makakasama ko rin kasi sya. alam ko. :)

pang-14 na photoblog ko. syempre, special dapat. kinuha ko ang aking digital camera at nakita ko ang litratong ito.

kunwari pang ayaw mong ngumiti nung nakita mong may hawak akong camera. nahihiya kuno. sakto ang pagclick ko sa camera sa iyong pagngiti. nakakatuwa lang, kasi parang kasama lang kita. oo nga’t malayo tayo sa isa’t-isa, pero di ito naging hadlang para magkulitan at magasaran. :) halos buong araw/araw-araw tayong nagkakausap, pero di ako nagsasawa. di ako magsasawa. ^^,

sino ba namang magaakalang ang dalawang cute na batang ito ay magku-krus ang landas at magkakakilala.

..at matapos ang ilang taon, ito na sila..

“When you realize you want to spend the rest of your life with a person, you want the rest of your life to start as soon as possible.”

- Billy Crystal, from the movie “When Harry Met Sally”

tol, picturan mo nga ako.

sabi ko sa aking nakababatang kapatid habang hinihintay naming magboard sa aming eroplano papuntang Hong Kong. alas-sais na ng umaga, at ilang minuto na lamang ay aalis na naman ako ng Pilipinas. muling iiwan ang mga kaibigan at kamag-anak. higit sa lahat, maiiwan kita.

kagabi lamang ay kasama kita’t nagsasaya kasama ang mga kaibigan ko. sabi ko pa nga sayo, ayokong makita ka bago ako umalis. ayokong umiyak, ayokong magdrama. pero gusto kitang makasama. ang labo ko noh? gusto ko na ayaw ko. late na nga kitang nasabihan na pumunta sa bahay. buti na lang nakapunta ka, buti na lang at nakasama pa kita ilang oras ako bago umalis.

wag kang iiyak ha.
ako? bat naman ako iiyak?

yan ang sabi mo dun sa isang video natin. bakit ka nga naman iiyak eh aalis lang naman ako, pero di naman mawawala ang communication natin. sa bagay, wala ngang magbabago, un nga lang, mas madalas kitang mamimiss, mas madalas gustong makausap. sabi mo nga, babalik tayo sa kwadradong mundong ating iniwan ng halos isang buwan. babalik tayo sa YM at twitter, pero ngayon sigurado na tayo sa ating nararamdaman. at naroon ang pagnanais na makasama muli natin ang isa’t-isa.

kanina lamang ay kausap kita. tinawagan kita gamit ang celphone ko na di ko rin naman magagamit sa Amerika. naubos nga ung load ko sayo, ikaw ang huli kong nakausap. sabi ko kasi, tatawagan kita bago pa umalis ang eroplano. halos kagigising mo lang nga at feeling ko di ka pa rin nakakatulog masyado. sabay nating hinitay ang aking pag-alis. gusto kong maluha habang kausap kita, pero aking pinigil ito. masaya ako sayo, sobrang pinasaya mo ako sa kakaunting panahon na nakasama kita at ayokong umiyak dahil di pa rin naman ito ang huli nating pagkikita. makakasama pa rin naman kita at hinintayin ko talagang dumating ang panahong iyon. :)

ate, ang drama ng kuha mo ah.
ganon talaga kapag may iiwan. diba ate?
……

alam kong matatagalan pa pero ako’y maghihintay. hihintayin kong dumating ang panahon na ika’y aking mayayakap at muling mahahalikan. hihintayin kita, at sana ako din mahintay mo. sabay sa pagsikat ng araw ay ang pag-asang ika’y makasama muli. habambuhay mahal ko, habambuhay. :)

yummy love recipe

ingredients:
– isang box ng Nerds, ung Candy. (pwede kayong gumamit ng iba pang flavor, pero mas ok ata yung strawberry/grape na combination)
– booorring at mahaba as in mahabang idle time sa trabaho.
– digital camera. kung wala nama’y, kahit camera phone na lang.
– mas ok kung inlove ka habang ginagawa ito. isipin ang iyong boiprend o kaya’y current crush. hello, yummy love nga diba? :)

directions:
kunin ang Nerds at ilagay ito sa desk mo. kung busy ka, isantabi muna ang candy at tapusin muna ang trabaho. kapag tapos nang magpretend na nagtatrabaho ka nga, magsurf ka muna sa internet. maki-tsismis sa mga latest happenings sa mga blog ng mga tao. pagtapos ka na’t alam mo na kung sino ang kinakarir nino, iclose mo na ung browser at baka mahuli ka pa. wag ding kakalimutan i-clear ung cookies at history para walang pruweba.

kunin ang celphone at magtext. itext ung boiprend mo o kaya’y current crush mo. sabihin sa kanya na naiisip mo sya ngayon at na sana’y kasama mo sya. itabi ang celphone sa Nerds. word mode ulit saglit. para naman di sayang ang ibinabayad sayo.

kapag wala ka na talagang gagawin pa, buksan na ang Nerds. mas ok ata kung nagso-soundtrip ka habang ginagawa ito para mas feel mo ung love. patugtugin ang theme song nyo ng boyps mo o kaya’y kanta mo para kay crush. kapag bukas na ang Nerds, kainin ang ilang piraso. dahil sa sobrang bored ka’y maiisip mong gawing heart ung Nerds. kumuha ng tissue at ikalat ang candy. i-korte mo ng puso ang mga nakakalat na candy. kapag may sobra’y kainin ito.

kunin ang celphone at magpicture galore ka. picturan mo ang sarili mo hangga’t magustuhan mo ang kuha o kaya’y maubos na ang batt ng phone mo. i-delete ang mga hindi ‘friendster worthy’ na pictures.

kapag nakapili ka na ng magandang kuha, isave ito. kung gusto mo’y pwede mong ipadala ang nasabing picture sa iyong boiprend o kaya’y sa crush mo. kung sa crush mo ito ipapadala, wag kakalimutang i-blur ang iyong mukha para mysterious ang dating. o kung malakas ang loob mo, magpakilala ka na rin. :D

kapag nagawa mo na ito, saka mo na ubusin ung Nerds. :) yummy love talaga.

finished product ng Yummy Love recipe.. Love you baby ko:D