Bigla naman akong nagutom. Pero bawal kumain ngayon ah. Hmmm, hindi, pwede naman siguro, bawal ang karne oo.
Ay sakto, may vending machine sa Sublevel, titingin na lang ako ng makakain.
Sakto na siguro ung $3. Parang gusto ko ng ice cream. Teka, asan ko nga kaya nailagay ung 500 pesos na natira nung uwi ko? Goodluck. Sana nasa bagahe ko lang un. Ah tama, andun lang un sa sling bag ko. Sana nga andun.
Deliver ko muna tong reports, ‘tas bili na ako ng pagkain.
Grabe, ambagal ng elevator. Nakakatakot ung pinanood namin kanina. Sumunod ata sa Araw ng mga Patay, Biyernes Santo ung sumunod na araw na natatakot ako. Dahil na rin siguro sa mga kwento noon sa amin ni Ate Rosie. Saka ang tahimik kasi eh ung tipong sa bahay ka lang, walang palabas sa tv tas bawal pang magingay. Bawal kahit na anong ingay, bawal ding kumain. Patay daw kasi ang Dyos eh.
Well, noon ganun, ngayon iba na. Ung kapatid ko inaya pa ng mga kaklase nyang manood ng sine. Di nila magets kung bakit hindi pwedeng umalis ng Biyernes Santo. Para sa kanila off sila sa klase kaya masaya. Adik lang. Hindi kasi sila Katoliko.
Morgue na nga pala tong katapat ng Mail Room. Adik. Ayokong pumasok dyan.
Putakteng printer, nagulat ako. Bilis. Bilis.
Hmm, ano kayang makain? Ayos, may $1 na ice cream, pero parang gusto ko nung Snickers, $1.25 nga lang. Ay ung isang klase ng ice cream na lang ‘tas bibili ako nung Hot Pockets.
Chicken and Cheese, Steak, Pork. Goodluck. Hindi pwede. Pero gutom na ako eh. Ok lang siguro. Pasaway na Kristiyano.
Bill face up. Baligtad. Hala, may punit pa tong pera ko, sana tanggapin.
A2.
Anakngtukneneng. Hindi bumaba ung ice cream?! Seryoso?! Ayoko namang suntukin tong vending machine, makikita sa camera.
Walang ibang choice kundi ang maglagay ulit ng pera. Dalawang ice cream? Ibibigay ko na lang kay bossing ung isa.
Bill face up. Ang lutong nitong bill ah.
A2.
Ayan, bumaba na ung isa. Ok ok ok…
Seryoso?! Ung isa naman ang nastuck?
$2 para sa isang pinipig ice cream. Well, ok na rin siguro kesa wala. $1 na lang tuloy, di na ako makakabili ng Hot Pockets.
Uy may Chex Mix. Un na lang.
10 cents. Di na rin ako makakabili ng softdrinks.
