kundiman[dot]net

The face can speak of a thousand emotions but it can easily mask what the heart truly feels. Don’t be fooled, for the happiest face may be masking the most hurting heart.

Lahat tayo may mga kadramahan sa buhay, at lahat un may dahilan, may kwentong nakapaloob. Wala naman atang tao na hindi nakakaranas ng kalungkutan diba? Lahat tayo ay may kanya-kanyang malulungkot na ala-alang di malilimutan. Aminin natin, lahat tayo ay emo, in the sense na madrama, pero hindi naman ung suicidal type ha. Umiiyak tayo, nasasawi, nabibigo, at natututo. get the picture?

Being said that, naisipan kong gumawa ng isang writing contest para sa mga emo at madrama dyan. Ito ay ang E[kwento]MO. Tungkol saan ang pa-contest na ito? Wala kang ibang gagawin kundi isulat ang kadramahan mo sa buhay — kahit na tungkol saan, pamilya, pag-ibig, kaibigan, eskwelahan. Ikaw na ang bahalang pumili. Pwedeng kahit na anong nakakaantig/drama/emo/nakakaiyak na post, basta wag lang ung may laslasan na ng pulso. Tandaan lamang na dapat ay tungkol sa’yo ang kwento. Hindi pwedeng tungkol sa ibang tao o bagay. Pwede ka ring gumamit ng props sa blog entry mo, lagyan mo ng picture, o kaya nama’y music. Basta be creative.

Ang writing contest na ito ay bukas sa lahat ng bloggers (wordpress, blogspot, multiply, tabulas, livejournal. Basta lahat ng blogging platform). Nilalayon ng writing contest na ito na mas makilala pa ang isang tao, para malaman din ang soft side nyo.

Syempre, pa-contest, may premyo. Alam kong habang ginagawa nyo ang inyong nakakalungkot na entry eh marami kayong maaalalang di kanais-nais. Baka maiyak pa kayo habang isinusulat nyo un. Isipin mo na lang na may kapalit ung ginagawa mo na pwedeng magpangiti sayo. Ano ba ang makukuha ng mananalong entry?

Ang Top 5, kasama na ang Pinakamadramang blogger ay makakakuha ng isang badge (na ako ang gumawa) na pwede nilang ilagay sa kanilang mga blog. Ang Pinakamadramang blogger, maliban sa badge (na ako ang gumawa) ay makakakuha rin nito:

• 1yr domain name (your choice)
• hosting (with idlip.net)
• ako at si komski as your 24/7 on-call technical support

Now there’s a reason to smile in your saddest moment. ^^,

*Ang domain at hosting na mapapanalunan ay maaari lamang gamitin para maghost ng isang personal blog:D Kung may mga tanong pa ukol dito ay maari lamang kontakin kami, o sumangguni sa FAQs.

MECHANICS:

September 6, 2008-September 13, 2008 (Pre)*

Isang linggo bago ang contest, pwede ka nang magpost ng entry na sasali ka sa E[kwento]MO. Hindi pa ito ung official entry mo ha. Basta may brief description lang ng contest ay pwede na, tapos ay may link pabalik dito sa Mechanics page. Bakit isang linggo pa bago magsimula ang contest mismo? Ginawa ito para kumalat ang nasabing contest, para malaman ng iba pang emo at heart.

September 14, 2008-October 4, 2008 (Submission)*

Mayroong tatlong linggo para magsubmit ng entries. Maglagay ng part sa header o sa footer ng iyong entry na nagsasabing kasali ang entry mo sa E[kwento]MO. Pwede mong gamitin ang image sa ibaba, tapos ay ilink sa Entries page.

i-send sa ekwentomo@gmail.com ang iyong entry kasama ang sumusunod.

• title ng entry
• permalink ng post
• excerpt o maikling description ng iyong kwento
• picture na may kinalaman sa entry mo (kung may nilagay ka)

Makikita sa Entries page lahat ng mga official entry na kasali sa E[kwento]MO. Hindi pa pwedeng bomoto habang submission week pa lang. Hihintaying matapos ang tatlong linggo, para naman maging fair sa mga ibang late nang makakapagpasa ng entries. Mas ok rin ito, para naman mababasa ng lahat ang lahat ng mga lahok.

October 5, 2008-October 17, 2008 (Voting)*

Matapos ang tatlong linggo ng pagpapasa, may dalawang linggo para iboto ang iyong paboritong emo entry. Maaari mo ring i-plug ito sa iyong blog na bukas na ang botohan. Bubuksan ang comments ng Entries page para dun ilagay ang mga boto. Pwedeng bumoto ng hanggang tatlong entry. Ang iyong number 1 eh dapat ung pinakanaantig ka na kwento, at ung huli naman ay ung nakakaiyak, pero di masyado.

Sample comment entry:

I vote for these entries:

1. 3 tears
2. 2 tears
3. 1 tear

Magsesend kami ng message sa email na ginamit sa comment at kailangang magreply para mapabilang ang iyong boto. Naisip kong sa comments na lamang ng Entries page ang botohan para naman mabasa pa ang mga official entries habang nagiisip kung sino ang iboboto. Wag lamang tatangkain na mandaya sa pagboto. Mananagot ka kay Papa God kapag ginawa mo yan. Maliban sa reader’s votes, pati kami ni Arvin ay pipili ng aming mga paborito.

October 18, 2008 *

Ilalagay sa Winner’s page ang Top 5, kasama na ung Grand Winner. Makakatanggap din ang mga mananalo ng e-mail mula sa amin.

Kung may iba ka pang tanong ukol sa contest, mage-mail ka lang sa ekwentomo@gmail.com o kaya’y i-follow ang official Twitter account ng E[kwento]MO http://twitter.com/ekwentomo o http://plurk.com/user/ekwentomo para sa mga updates.

*lahat ng date at oras ay Philippine Time (+8 GMT) ang susundin